الأربعاء، 17 سبتمبر، 2008

عنـدي طـلـب؟







مرحبا بالغالين...كيف أيامكم برمضان...أدري الدوام مــتـعب..علما بأن..مـتعـب اسم أخي الكبير الله يحفظه..وقد كان لاعب كرة طائرة ولكن
في يوم اغبر تلقّى (كبسه) من لاعب عسماوي بالفريق المضاد......فاعتزل اللعب الدولي والمحلي وحتى بالمخيمات ما عاد يلعب

:)






المهـم...عندي طلب وأرجو المساعده منكم



صارلي كم يوم افتر بالنت أدور على جهاز



iPhone 3G



وبصراحة تعبـت..وعــــنــــوني تعبـت من كثر ما أدور





المراد...إذا في محل متخصص في بيع هالجهاز أو في موقع نت كويتي محترميشن..فأرجو من أحد الزملاء الأعزاء أنه يرسل لي على الإيميل العنوان أو رقم تلفون المحل أو رابط موقع على النت متخصص في هالأمور





ملاحظة

المواقع العنـقـريـزية تبيع الجهاز ولكن من غير تعريب بالإضافة الى عدم امكانية تشغيله على شبكتنا الهاتفية...أقصد الوطنية أو زين


هناك 35 تعليقًا:

  1. كيف حالك يا شقران
    وشلون شقران 2
    :)

    ودي اساعدك لكن انا من اللي لا زالوا ناطرين الاصدار الرسمي للجهاز بالمنطقة تفاديا للمشاكل وعدم امكانية التطوير وغيره من امور فنية

    كنت راح انصحك تشتري من بره لكن ما راح يكون فيه التعريب

    الله يعينك

    يمكن أحد الشبيبه مار باللي انت تمر فيه وينفعك

    بالتوفيق

    ردحذف
  2. صلي على النبي


    اذا عندك احد رايح دبي راح تلاقيه في مجمع اسمه قرقاش متخصص في بيع الاجهزة قبل وصولها لوكلاءها وراح تلاقيه معرب

    ردحذف
  3. كان ودي اساعدك


    لكن للأسف

    :)


    --------

    مو هذا موضوعنا


    مبروك فوز اليوفي

    ردحذف
  4. علاقتي بالايبود مثل علاقتي بالسي فوود

    ردحذف
  5. والله حتى انا ابخاطري فيه بس اذا لقيت احد ابشر ماطلبت الا عزك انت اتامر امر

    ردحذف
  6. بأمريكا كانوا مسوين عليه عرض وصار طق مطاقق عليه مادري هل لأن زين والا لأن سعره كان خيالي :\
    ;p

    ردحذف
  7. نصيحة اخوية ..
    لاتشتريه .. لأنك راح تبيعه ثاني يوم :)

    اشتر القديم .. وجربه .. وتحصله بشرق مستعمل بـ100 دينار او اقل ..

    جربه قبل لاتشتري الجديد .. عشان لاتكرهه مثل ماكرهته :)

    ردحذف
  8. العزيز كويتي لايـعه كبـده

    هلا بالحبيب...ابشرك الأحوال طيبة..وشقران 2 يسلم عليك..والرجال بدأ يناغي ويضحك

    منين جبت شقران تو...ذكرتني بفيلم ابن حميدو بطوبة أحمد رمزي وهنوده بنت رستم...لما حماه مسمي الطراد بـ

    نورماندي تووووو
    :)
    عرفته؟


    ----------

    والله للحين محتار...انطر أو اشتريه...وشكلي بسمع نصيحة العزيز آز يولايك




    تحياتي لك

    ردحذف
  9. العزيزة هذيان

    اللهم صلي على محمد وآل محمد و صحبه ومن تبعهم بإحسان الى يوم الدين


    بشوف أول بالكويت..واذا مالقيت بحول على دبي أو دولة ثانية




    تحياتي لكِ

    ردحذف
  10. العزيز كويت أواي

    أعرفك ماتذخر شي يالغالي

    -------------


    الملك ملك...وإلكس ماقصر


    والتهنئة موصولة لكم



    وتحياتي لك

    ردحذف
  11. العزيز مطقوق


    كأنك مغير النيك نيم مالك!؟

    -------

    بوسلمى فتح عدل الله يخليك لي..ليس آي بود..بل آي فون...اعتقد فطورك كان دسم اليوم

    :))




    تحياتي لك

    ردحذف
  12. العزيز الرومي


    ماتقصر ومايامر عليك عدو ولاظالم

    ----------

    اليوم لقيت لي واحد لكن أحسه غالي..لقيته بـ
    300

    واحد من الربع قالي يبيعونه بدون عقد بحدود 130 والتعريب بـ20 دينار

    يعني بحدود 150 دينار

    انا مستعد أتجاوز حاجز الـ200 واشتريه..لكن 300..أحس هذا نصب مو بيع



    وناطرك إذا حصلت شي




    تحياتي لك

    ردحذف
  13. العزيزة كويت

    والله طافتني رحلتكم لو أدري كان حولت لك الفلوس وخليتك تشترينه...لا وبعد التوصيل عليك...تدزينه لي مع السايق
    P:




    تحياتي يالغالية

    ردحذف
  14. صاحب المعالي آز يولايك

    اذا لقيت الجهاز بسعر مناسب بشتريه...لكن لو ماحصلت شكلي بستمع الى نصيحتك واشتري الآي فون القديم


    لكن

    لماذا لم يعجبك الآي فون!؟

    هل فيه عيوب لانعلم عنها!؟

    فيدنا جزاك الله خير..ترى أخوك عليمي
    :)



    تحياتي لك

    ردحذف
  15. أنا أقولك عدل كلام ولد الآزيولايكي ..
    يقولون حده يعلق :\
    بأمريكا كان سعره 200 دوولار بالعرض الي سووه :)
    تخيل والله الطابور عند محلات التلفونات لما الشارع :s

    ردحذف
  16. العزيزة كويت

    سمعت هالكلام وقريت عنه في أحد المواقع الإخبارية...يقولون زحمة مو طبيعية..ولكن لما كنت بلوقانو قبل شهر لقيته بمحلات أورنج فون وكان سعره رخيص ولكن مع عقد سنوي..قلتلهم أبيه بدون عقد قالوا لازم نبلغ المقر الرئيسي ونرد لك خبر..ولكن كانت سفرتي بعد يومين وماردوا خبر


    وبنتظر كم يوم...واذا ماحصلته بسعر مناسب شكلي بسمع نصيحة العزيز آز يولايك




    تحياتي لكِ يالغالية

    ردحذف
  17. شوف انا جربته، خوش جهاز .. لكن كرهني فيه كيبورده :)

    ويعلق اذا استقبل مسج لغة عربية اذا كان غير معرب ..

    وبس :)

    ردحذف
  18. واي اضافات يافندم عن الجهاز بعد استخدام لمدة اسبوع .. حاضرين.

    ردحذف
  19. العزيز آز يولايك

    الكيبوورد كلامك صحيح


    والتعليق من المسج أعتقد التعريب راح يقضي عليه



    شكله الجهاز ماعجبك
    :)


    أنا بنطر كم يوم وأشوف



    تحياتي لك

    ردحذف
  20. صباح الخير
    :)

    هذا سايت كويتى

    تلاقيه عندهم

    http://clicknbuy.com.kw/ProductShowcase.aspx?ProdId=2619

    انا مستخدمه السايت من قبل

    خوش شئ

    اما الجهازكل اللى اعرفهم يقولون يخلص شحنه بسرعه

    ردحذف
  21. تقدر تدفع لهم كاش اذاوصلوا الاغراض البيت

    وسلم على راكان

    ردحذف
  22. did u try kuwait-mall.com ? email them ur request they might be able to help u!

    ردحذف
  23. مبروووووووووووووووووك فوز اليوفي

    ردحذف
  24. ok my husband just confirmed they do have it ! go to www.kuwait-mall.com electronics
    hope that was helpful :)

    ردحذف
  25. السلام عليكم

    اشلونك اخوي الشقري زين فتحت الكومنت ما بغيت ؟ :)

    على العموم هذه نصيحة اتريح بالك وهي :
    دش على موقع ابل الرسمي وراح تلقاه اهناك بسعره الاصلي بدون مزايدات وراح يوصلونه لك لي البيت
    بالنسبة للتعريب ما عليك الا انك تدز ايميل للشركة نفسها عن طريق موقعهم وتذكر مل شيء انت تبيه من تعريب و لوازمه اخذ العلم من الشركة ولاتاخذه من بعض المحلات اللي تزيد الاسعار بحرمنه


    واذا مالك خلق انطر 6 اشهر عشان يوصل وتطلع عيوبه ويصلحون هالعيوب وبنفس الوقت يكون سعره اششششوية نازل :)

    تحياتي يا حلو

    ردحذف
  26. الخاله براقش

    الله يعطيك العافية...موقع صراحة حلو..وباخذ فيه فرة عدله بعد اشوي إن شاء الله



    مشكورة يالغالية على التجاوب



    وراكان يسلم عليك...ويقول وين القرقيعان

    :)


    تحياتي لكِ

    ردحذف
  27. ترا ناطرين ردك على موضوع الزامل

    لا تبطي علينا جزاك الله خير

    ردحذف
  28. العزيزة
    organic kuwait

    شاكرلك تواصلك الكريم..والموقع ألحين بدشه..اتصدقين إنني منذ فترة دخلت هذا الموقع وكان ممتاز وفيه تنوع لكنني نسيته..واشكرك على وضع الرابط والتذكير



    تحياتي لكِ

    ردحذف
  29. الزميلة يوفينتينا

    :))

    الله يبارك فيك
    والملك ماقصر...وبداية موفقة..خصوصا وإن فريق زنيت أطاح بكثير من الفرق القوية وغلبها


    والمشوار طويل..شدي حيلك
    :))



    تحياتي لكِ

    ردحذف
  30. العزيز
    Someone_q8

    اغلاق الكومنت سياسة رمضانية
    :))

    والسموحة منك إن كان فيها ازعاج


    ---------

    قبل فترة (أول مانزل) ماكان موقع آبل يبيع الجهاز لكن بدخل عليه الحين وأشوف...لأنه حيل رخيص من امريكا


    ونصيحة طيبة وتم أخذها بالحسبان..الله لايحرمنا من هالنصايح يالغالي





    تحياتي لك

    ردحذف
  31. الأخ العزيز غير معروف

    تامر أمر..ولكن الوقت حيل مضايقني..وتقبل اعتذاري على التأخير الحاصل..وسوف أحاول أن أكتب الموضوع خلال هالاجازة الأسبوعية إن شاء الله



    تحياتي لك

    ردحذف
  32. ماكو على المستشار

    ردحذف
  33. العزيز شقران

    لا أملك تعليق على الجهاز

    ولكن اكتفي بتسجيل حضوري في مدونتكم

    ودمتم بخير وسلام

    ردحذف
  34. مهندسنا العزيز

    المستشار...احس طلع غبار
    :))



    البوست الجديد ماهو مقدارك ولكن كلمة لابد من ايصالها


    تحياتي لك

    ردحذف
  35. العزيزة التي لاتحب الانتظار

    تواصلكم الكريم شرف لنا ومحط تقدير عندنا


    شكرا على التواصل والمرور اللطيف


    تحياتي لكِ

    ردحذف