الخميس، 26 مارس، 2009

البــوس...ممنوع!؟




وصلني إيميل ظريف عن دكتور مصري يريد إنشاء جمعية لمنع البوس بين الأزواج!؟...طبعا صعلوك مثلي سيكون أول من سيرفع شعار المعارضة ومن الممكن أن أكون رأس الحربة في أي هجوم على هذا الدكتور!؟


المهم،،،،،،،دعونا من الصعلكة التي تسري في الدم،،،الذي لفت نظري ليس موضوع الدكتور وجمعيته التي يزعم انشائها ، ولا أسبابه لمنع البوس (التقبيل) والذي لخصها بأن البوس ينقل الأمراض والميكروبات و و و و و الخ الخ الخ


فليس هذا مازرع الابتسامة على شفاتي إنما الردود والتعليقات التي كُتبت في الموقع الذي نشر الخبر ، والمعروف أن الشعب المصري صاحب خفة دم ونكته ، أعجبتني وأضحكتني ردود الأفعال


إليكم التعليقات التي ردّت على الخبر


وانا اقول الرئيس البوسني مات ليه؟؟

-----------------

واحد يحرّم البوسة بين الأزواج ، وواحد يحلل إن الواحدة ترضّع زميلها ،
ما ترسونا على بر.....نرضّع وما نبوسش....ولاّ نبوس وما نرضعش

------------------

روح شوف العيش المسرطن ولا الشيبس ولاالمياه المجارى ولا الخضروات
المسرطنه والهرمونات ولالالالالا وبعدين اتكلم على البوس يا دختوووور

-------------------

ده يستاهل 80مليون بوسه من 80 مليون بوووؤ عشان تجيله كل الامراض اللى
ف الدنيا

----------------

نحن جمعية هنبوس هنبوس حتى لو البوس بفلوس

--------------

الحياة من غير بوس زي قُلّة من غير ميّة

--------------

مش عارف اقول أيه مش كفاية مش لاقين نتجوز كمان اللى متجوزين مش
حايبوسوا ؟؟؟؟

طب ده نسميه أيه ؟؟؟؟؟؟؟؟؟؟؟؟

-------------

اليوم تقليعة البوس ينقل الامراض الجلدية....وبكرة لاتلمس جسد زوجتك لمنع
انتشار الامراض الجلدية...وبعد غدا يستحسن ابادة صنف النساء...انكم تسعون
لتحريم الحلال(واضح ان البوس عامل مشكلة للدختور)اقولك حاجة اعمل زي
اللمبي وبلغ لجنة حروق الانسان

---------------

طيب ولما رغيف العيش يقع على الارض اجيبه وابوسه ولا غلط ؟

يا حلاوة على العلم واللي بيتعلموه

واحب اقول لسعادة الدكتورة الفاضل ادرسلك حاجة تنفعك احسن وسيب الناس
تبوس ياعم وبلاش وساوس

-----------

انا عايزه اطمن الدكتور ده واقوله انه ولله الحمد معظم الازواج فى مصر
مابيبسوش بعض اصلا !! بوس ايه يا عم بلاش قلة ادب ، هوه احنا بنتجوز وندفع دم قلبنا ولاد وبنات علشان نبوس !! ايه المسخره ديه !!!

-----------

يعنى لو واحدة اسمها بوسي تغيّره ويبقى متبوسيش!؟

بس كدة اتحلت خلاص

مع تحيات شركه متبوسيشي لانسر

يا عم بوس اية اللى عايز تمنعه؟؟

-----------

ده الواحد بيبقى لسة سايب صاحبه من ربع ساعة يشوفه يقوم نازل فيه
بوس....بوس أخوي طبعا.. وكمان عايز تمنعه بين
الازواج...لا ده كدة الواحد يلحق يتجوز قبل ميبقى قرار ويتناقش فى
مجلس الشعب

-----------

يعني بوس الواوا....بـــح ؟

----------

على رأي الفنان محمد رضا: مش هنبوس بقى

----------

ممكن كل واحد قبل ما يبوس البت بتاعته يتمضمض بمحلول ' البيتادين' ويدهن
شفايفه بردو بمحلول ' البيتادين' وبعد ميخلص البوسه يتف تلات مرات ويشرب
كباية ....أكيد ' بيتادين'... ربنا يشفيك






أتمنى لكم نهاية أسبوع جميلة رقيقة هادئة هانئة....من غير بوس!؟